Gwella eich patrwm cysgu

Gall cwsg ein helpu ni i reoli meddyliau ac emosiynau negyddol a rhoi'r egni i ni fynd i'r afael â'r problemau sy'n ein hwynebu.

Awgrymiadau i wella eich patrwm cysgu

  1. Mae gan gaffein hanner oes o 8 awr, felly ceisiwch beidio â chael caffein yn ystod yr ychydig oriau cyn i chi fynd i’r gwely. Os ydych chi’n cael trafferth ofnadwy syrthio i gysgu, ceisiwch osgoi caffein yn llwyr ar ôl canol dydd.
  2. Gwnewch eich ystafell wely yn gyfforddus a gwnewch eich gwely yn lle y mae eich ymennydd yn ei gysylltu â gorffwys a chysgu. Ceisiwch beidio â gweithio ar eich gwely, os oes modd. Efallai y byddwch yn gweld bod golchi eich dillad gwely yn fwy rheolaidd yn eich helpu i gysgu'n well.
  3. Ceisiwch gael rhywfaint o olau dydd naturiol yn ystod y dydd – bydd 20-30 munud yng ngolau'r haul yn helpu'ch ymennydd i nodi’r gwahaniaeth rhwng dydd a nos, gan ei gwneud yn haws i chi gysgu yn y nos.
  4. Gall ymarfer corff rheolaidd helpu i wella eich patrwm cysgu, drwy flino eich corff a helpu i leihau pryder a straen. 
  5. Ceisiwch wneud yn siŵr bod eich ystafell wely tua 18c, gan mai dyma'r tymheredd gorau ar gyfer noson o orffwys yn ôl y sôn. 
  6. Ceisiwch gael trefn o ddeffro a mynd i'r gwely yr un pryd bob dydd, gan gynnwys ar benwythnosau. 
  7. Ceisiwch beidio â defnyddio unrhyw ddyfeisiau gyda sgrin am o leiaf awr cyn amser gwely. Mae hyn yn cynnwys ffonau, iPad, gliniaduron, cyfrifiaduron, Kindle a setiau teledu. Ceisiwch leihau faint o’r dyfeisiau hyn rydych chi’n eu defnyddio gyda’r nos. Gosodwch amser ar gyfer rhoi'r gorau i ddarllen neu ateb negeseuon e-bost neu negeseuon.
  8. Rhowch eich ffôn ar 'peidiwch â tharfu' neu ei symud o'r ystafell wely yn gyfan gwbl, fel nad ydych yn dal i edrych arno i weld a ydych chi’n cael negeseuon neu rybuddion.
  9. Sefydlwch drefn cyn mynd i gysgu dawel y gallwch ei dilyn bob nos. Gall hyn gynnwys darllen, gwrando ar gerddoriaeth, paratoi eich hun ar gyfer mynd i’r gwely (tynnu eich colur, newid), rhoi arogleuon hyfryd yn eich ystafell wely, ymarferion anadlu, paratoi ar gyfer y diwrnod nesaf ac ati. Bydd dilyn yr un drefn yn annog eich ymennydd i baratoi i fynd i gysgu. 
  10. Gall bath a chawod gynnes helpu eich corff i ymlacio a thrwy annog tymheredd eich corff i ostwng, gall wneud i chi deimlo'n gysglyd.
  11. Ceisiwch osgoi, neu gyfyngu, faint o alcohol rydych chi’n ei yfed cyn mynd i’r gwely – nid yw alcohol yn ein helpu ni i gysgu'n dda - a dweud y gwir, gall eich deffro wrth iddo fetaboleiddio o'ch corff.
  12. Dylech wneud ymarferion anadlu i’ch helpu i ymlacio yn y gwely.
  13. Peidiwch â brwydro yn erbyn meddyliau sy'n ymddangos wrth i chi geisio mynd i gysgu. Dywedwch wrthych eich hun y gwnewch chi feddwl amdanynt y bore wedyn, wedyn ysgrifennwch nhw ar bapur neu dychmygwch eu cloi mewn bocs am nawr.