Nid yw pob myfyriwr yn edrych ymlaen at gael mynd adref dros wyliau'r haf. Gall hyn fod am amryw o resymau, ac mae'n iawn i chi deimlo fel hyn. Gall rhai strategaethau eich helpu i reoli sut ydych chi'n teimlo am hyn.
Mae llawer o fyfyrwyr yn teimlo rheidrwydd i ddychwelyd adref, hyd yn oed pan nad ydyn nhw eisiau gwneud hynny. Mae'n bwysig cofio eich bod yn oedolyn a bod gennych hawl i wneud eich dewisiadau eich hun. Cymerwch amser i feddwl am y canlynol:
Nid yn unig ro'n i’n poeni am fod ar fy mhen fy hun, ond ro'n i'n poeni am adael fy fflat a’r ffrindiau ro’n i wedi’u gwneud yn y brifysgol. O'r diwedd, ro’n i wedi llwyddo i addasu i fywyd prifysgol, a byddai mynd adref yn newid hynny i gyd.”
Efallai y byddai'n fuddiol i chi ystyried er mwyn pwy yr ydych chi'n mynd adref a phwy fydd yn elwa, os bydd unrhyw un. Efallai y byddai hefyd yn fuddiol i chi feddwl am ganlyniadau posibl y ddau ddewis (mynd adref ai peidio), a pha mor debygol yw’r canlyniadau hynny mewn gwirionedd.
Gall myfyrwyr fod o dan bwysau mawr, ac o dan yr amgylchiadau hyn, gall fod yn hawdd colli rhywfaint o bersbectif. Gofynnwch i chi'ch hun – a fydd bod gartref cynddrwg ag yr ydw i'n ei feddwl? A ydy fy ofnau'n rhai realistig?
Ceisiwch ystyried y canlyniadau mewn ffordd dawel a bod yn onest â chi'ch hun am y canlyniadau tebygol. Efallai y byddai'n fuddiol i chi siarad â rhywun arall am sut rydych chi'n teimlo.
Os ydych chi’n poeni am fater penodol, gallai fod yn ddefnyddiol i chi drafod hyn â’ch teulu cyn i chi ddychwelyd adref – os ydych chi’n teimlo bod hynny'n bosibl. Weithiau, gall mynd i’r afael â materion sy'n achosi gwrthdaro helpu i ddatrys problemau a chryfhau eich perthynas. Gallwch ddod o hyd i gyngor ar sut i fynd i'r afael â hyn yn ein erthyglau ar wrthdaro.
Wedi i chi ystyried y peth, os ydych chi’n dal i deimlo y dylech ddychwelyd adref, er nad ydych chi eisiau gwneud hynny, edrychwch am ffyrdd y gallwch chi leihau'r effaith y mae'r gwyliau yn ei chael arnoch chi.
A allech chi wneud y canlynol:
Hyd yn oed os ydych chi'n penderfynu bod yn rhaid i chi gadw at eich cynlluniau gwreiddiol, gall deall pam eich bod yn mynd adref eich helpu i deimlo bod gennych fwy o reolaeth a'i gwneud yn haws i chi oroesi'r gwyliau.
Os ydych yn mynd adref, mae'n bwysig eich bod chi’n gofalu amdanoch chi’ch hun tra y byddwch chi yno. Ceisiwch roi amser i chi'ch hun a rhoi gwobrau bach i chi'ch hun bob hyn a hyn. Cofiwch y rhesymau pam y gwnaethoch chi benderfynu mynd adref – efallai y byddan nhw'n eich helpu i fwrw ymlaen.
Yn olaf, cofiwch mai seibiant cymharol fyr yw gwyliau’r haf – byddwch yn dychwelyd i’r brifysgol yn fuan, yn barod i ddechrau'r tymor newydd.
